BUTUAN CITY – Gipakusgan sa Nepal ang rescue operations aron maluwas ang gatusan ka mga tawo nga na-trap sulod sa mga tunnel sa ilang mga hydroelectric project, lakip na sa Trishuli-3A, human sa kalit nga pagbaha niadtong Miyerkules.
Ang mga rescue team, lakip ang mga eksperto gikan sa China ug India, naningkamot nga makontak ang mga tawo sulod sa tunnel, apan hangtod karon wala pa sila makadawat og tubag.
Gibana-banang gatusan sa kapin 2,500 ka tawo nga gikatahong missing mao ang mga empleyado sa mga hydroelectric site sa Nepal.
Sumala sa lokal nga mga opisyal, labing menos 794 na ang namatay ug kapin 2,500 ang gikatahong missing tungod sa kalamidad sa Nepal.
Sa Tibet, China, 16 na ang opisyal nga namatay, samtang 546 ang gikatahong missing.
Naglisod usab ang mga rescue teams sa pagpangita og mga survivors tungod sa grabeng epekto sa baha ug sa daut nga kahimtang sa mga apektadong lugar.
