BUTUAN CITY – Naglusad ang Estados Unidos og gamhanang airstrikes sa Iran isip balos sa pag-atake sa tulo ka mga oil tankers sa Strait of Hormuz.
Sigon sa US Central Command (Centcom), naka-igo sila og kapin sa 80 ka mga targets, lakipna ang kapin sa 60 ka mga gagmay’ng baruto sa Islamic Revolutionary Guard Corps (IRGC) nga anaa sa maong strait.
Gitawag sa deputy foreign minister sa Iran ang maong pag-atake nga paglapas sa US-Iran memorandum nga gipirmahan ning mi-aging buwan dayong bahad nga muhimo sila og mga decisive measures.
Ang maong strikes mi-igo matud pa sa Qeshm island, Bandar Abbas ug sa Sirik, kondiin na-angol sa shrapnel ang mga tawo.
Wala pa’y pag-angkon ang Iran nga sila ang mi-atake sa tulo ka mga oil tankers nga maoy rason sa paglusad og airstrikes sa Amerika.
