BUTUAN CITY – Gidayeg ni Archbishop Midyphil Billiones sa Archdiocese of Jaro, ang unom ka dekadang pagserbisyo sa publiko sa Bombo Radyo Philippines pinaagi sa paghatud og de-kalidad nga balita, impormasyon, mga promo ug makalingaw nga drama dungan sa pagsa-ulog sa ika-60 ka tuig nga anibersaryo sa kamugnaan sa network.
Sa iyang pagtimbaya, gipadayag ni Archbishop Billiones nga sulod sa 60 ka mga tuig, nahimong tuburan ang Bombo Radyo sa kamtu-uran, gugma, pagla-um ug pagtuo pinaagi sa responsableng pagpadayag.
Sigon sa arsobispo, dili lang sa pagbalita masukod ang misyon sa Bombo Radyo, kondili apil na sa mga programang pangkomunidad sama sa bloodletting activities, pagtabang sa mga biktima sa kalamidad, ug uban pang mga inisyatibong naghatag og paglaum ug nagkutay sa mga tawo pinaagi sa pagpakita og simptiya sa isig-katawo.
Gi-ila usab ni Billilones ang paghatag sa network ug lugar aron i-broadcast ang balaang misa ug uban pang mga kalihukan sa simbahan nga nahimong dalan aron mas mapalawman pa ang pagtuo sa mga deboto.
Gi-awhag usab niya ang kadumalahan ug mga empleyado sa Bombo Radyo nga ipadayon ang misyon kansa dili lamang usa ka propesyon kondili usa ka ministeryo sa pagpadayag sa maayong balita dungan sa pagtimbaya sa kiantibuk-ang pwersa sa Bombo Radyo Philippines, ug nanghinaut nga ipadayon ang pagpalanog sa kamatu-uran, gugma ug paglaum.
