BUTUAN CITY – Naghimo og funeral prayer ang tulo ka anak sa mitaliwan nga kanhi lider sa Iran nga si Ayatollah Ali Khamenei, samtang liboan ka tawo ug mga taas nga opisyal ang nitambong sa funeral ceremony sa Tehran, Iran.
Nasayran nga makit-an sa maong panagtigom sila si Mostafa, Meysam, ug Masoud Khamenei nga nag-ampo sa atubangan sa lungon sa ilang amahan sulod sa usa ka dako nga religious complex sa Tehran.
Mabantayan usab ang wala pagtambong sa usa pa ka anak ni Ayatollah Ali nga si Mojtaba Khamenei, kinsa giila nga sumusunod isip sunod nga Supreme Leader sa Iran.
Kahinumdoman nga napatay si Ayatollah Ali Khamenei uban ang pipila ka miyembro sa iyang pamilya human sa gihimong pagpamomba sa Estados Unidos ug Israel niadtong Pebrero 28, nga maoy sinugdanan sa pipila ka semana nga gubat sa rehiyon sa wala pa nagkaada og temporaryong hunong-buto (ceasefire).
Sa nahitabo nga seremonya, gihan-ay usab ang mga lungon sa uban pang namatay nga kabanay sa kanhi Supreme Leader, lakip na ang iyang anak nga babaye, umagad, ug usa ka 14-ka-bulan nga apo.
Anaa usab sa funeral ceremony ang mga taas nga opisyal sa Iran, lakip na sila si Iranian President Masoud Pezeshkian ug Parliament Speaker Mohammad Baqer Qalibaf.
