BUTUAN CITY- Ming-abot na sa 1,114 ang kumpirmadong patay sa grabeng pagbaha sa Nepal nga nagsugod niadtong Agosto 26, 2026, sumala sa National Disaster Risk Reduction and Management Authority (NDRRMA).
Ming-abot na usab sa 3,916 ka-tao ang nagpabiling missing, lakip ang mga nangwalang residente ug foreign nationals nga naapektuhan sa halapad nga pagbaha sa mga komunidad duol sa border sa Nepal ug China.
Padayon ang search and rescue operations sa mga awtoridad aron makit-an ang mga missing ug matabangan ang mga residenteng na-apektuhan sa kalamidad. Sa Nepal, dul-an 12,000 ka-tao na ang malampusong naluwas.
Samtang, gibana-banang mo-abot usab sa 4,500 ka-tao ang kinatibuk-ang nawaka sa border sa China ug Nepal. Padayon usab nga gihimo ang relief operations ug pagtubag sa mga panginahanglan sa mga komunidad nga grabeng na-apektuhan sa pagbaha.
