BUTUAN CITY – Gi-angkon ni Atty. Michael Poa nga ang iyang mga gipang-ingon ug mga aksyon isip spokesperson ug Finance chief sa Department of Education o DepEd sa panahon nga si Vice President Sara Duterte pa ang Education Secretary, kasagaran giaprobahan sa bise presidente.
Lakip usab sa iyang gi-aprobahan, matod ni Poa, ang iyang mga tubag sa pipila ka Audit Observation Memorandum o AOM sa Commission on Audit o COA, nga may kalabotan sa paggamit sa confidential funds.
Sa direct examination ni Atty. Benjamin Tolosa Jr., gipunto niya nga dili mohimo si Poa og bisan unsang lakang nga supak sa gusto o direksyon ni VP Sara, ug kini gi-uyunan usab sa defense spokesperson.
Gi-angkon usab ni Poa nga sa dili pa siya mohatag og pamahayag sa publiko, ilabina sa mga isyu nga may kalabotan sa mga COA notice.
Una matud pa niyang i-brief si VP Sara o dili kaha tawagan mismo ang bise presidente aron ipahibalo ang iyang umaabot nga isulti. Dali usab kining gibaraw ni defense lead counsel Sheila Sison.
