BUTUAN CITY- Nagpagawas og grabeng pahimangno ang Islamic Revolutionary Guard Corps kon IRGC sa Iran batok sa unsa mang pagsulay sa pag-atake sa nasud.
Ang maong pasidaan gihimo adiser ang ipahigayong lubong sa namatay nga Supreme Leader nga si Ayatollah Ali Khamenei.
Mipasidaan ang IRGC sa mga kalaban sa Iran, partikular na sa United States ug Israel, nga likayan ang unsa mang “sayop nga kalkulasyon” o pag-atake samtang nagbangutan ang nasud.
Gideklara sa IRGC nga ang unsa mang agresyon atubangon sa mas “determinado ug grabeng kadaot nga tubag” nga wala pa matud nila nakita.
Sa pagkakaro gibutang sa grabe ka taas nga lebel sa combat readiness ang tibuok armadong kusog sa Iran ubos sa liderato sa ilang bag-ong Supreme Leader nga si Mojtaba Khamenei.
Si Ayatollah Ali Khamenei napatay sa mga pag-atake sa eroplano sa US ug Israel niadtong Pebrero 28, 2026.
Ang opisyal ug kaylap nga paghatag pasidungog sa mipanaw nga Supreme Leader sa Iran nagsugod kagahapon Sabado, Hulyo 4 hangtod Hulyo 9, 2026.
Gilaoman sa panggamhanan sa Iran nga kapin sa 10 hangtud 20 milyon ka tao ug mga langyaw nga delegasyon ang mosalmot sa seremonya, hinungdan nga mas gihugtan ang seguridad ug gipasira ang pipila ka airspace sa nasud.
