BUTUAN CITY- Ming-abot sa unom ka-tao ang patay human ang natigayong pagpamusil sa usa ka youth welfare center, sa lungsod sa Stade Germany.
Nahitabo ang pagpamusil alas-12:10 sa udto (local time) sa Dankersstrasse, sa kasadpang bahin sa Hamburg.
Sumala sa pulisya, lakip sa namatay ang upat ka babae ug duha ka lalake, na puros hamtong.
Ang usa ka biktima namatay samtang gitambalan sa hospital.
Duha ka tao ang na-aresto, lakip ang gidudahang salarin.
Adunay usa pa ka indibidwal ang gi-imbistigahan kalabot sa insidente.
Sa pagkakarun wala pa masuta sa mga awtoridad ang motibo sa pagpamusil.
Nagpabiling nakasarado ang lugar samtang nagpadayon ang imbestigasyon sa nahitabong krimen.
Giklaro usab sa pulisya nga wala nay hulga sa kaluwasan sa publiko sa lugar.
