BUTUAN CITY – Dakong garbo alang sa mga Mexicano ang pagpili sa Mexico City nga co-host sa FIFA World Cup 2026 partikular na ang paggamit sa Estadio Azteca alang sa mga kncokout matches.
Sa ekslusibong pakighinabi sa Bombo Radyo Butuan, gipadayag ni Bombo international correspondent Ivan Marino nga naka-host na og mga dagkong kalihukan ang nasangpit nga stadium kondiin gawas sa duha ka world cup, naka-host na usab kini og olympics niadtong tuig 1968. Kini ang rason nga dakong dungog kini sa ilang nasud.
Makasaysayanon ang hosting nila niini nga padula ug dili malilong nga proud sila sa ilang stadium nga kaya matud pang mu-accommodate og 90-mil ka mga tawo.
Sa pagkakaron, pipila ka mga sikat nga teams sa kalibutan ang posibleng maka-away sa ilang antional team apan mas kabado sila sa Argentina ilabina nga pila ka tuig na kining naka-agbat sa ilang koponan.
