BUTUAN CITY- Gihimo na ang mga pagpangandam alang sa pag-repartrate sa patay’ng lawas ni Ateneo de Manila University student-athlete Divine Adili ngadto sa Nigeria, duha ka simana human kini nalumos-patay sa Aurora kauban ang teammate nga si Rene Baterbonia.
Sumala sa Ateneo, nakigkoordinar na sila sa pamilya ni Adili ug sa mga awtoridad aron matuman ang pag-uli niini ug paglubong sa Nigeria base sa kagustuhan sa iyang pamilya.
Usa si Fr. Munching de Guzman, SJ sa duha-ka representative nga mo-uban paghatud kang Adili sa iyang nasud, ug gi-andam na niini ang gikinahanglan alangsa pagbiyahe.
Gani, gihimo na ang public wake ug candle-light service alang kay Adili, samtang ang Nigerian Embassy sa Manila nagpahayag usab sa ilang pahasubo sa iyang pamilya ug mga minahal.
