BUTUAN CITY – Nagduso og resolusyon ang upat ka mga magbabalaud nga membro sa House Young Guns aron imbestigahan ang pagkalumos-patay sa duha ka mga student-athletes sa Ateneo de Manila University (ADMU) Blue Eagles nga sila Rene Clert Baterbonia ug Nigeroan Divine Adili.
Giduso nila Deputy Speakers Francisco Paolo Ortega V ug Jefferson Khonghun, Deputy Majority Leader Ernest Dionisio Jr., ug House Committee on Suffrage and Electoral Reforms Chairperson Zia Alonto Adiong ang House Resolution 1129 aron hisgutan ang mga sumbanan alang sa kaluwasan sa mga estudyanteng atleta sa tibuok nasud.
Sa maong resolusyon, gimanduan ang House Committee on Education and Vulture ug ang Committee on Higher and Technical Education, paglusad og investigation in aid of legislation subay sa kamatayon sa duha ka mga atletang estudyante.
Tinguha sa imbestigasyon nga masayran ang kamatu-uran sa maong panghitabo, ma-review ang mga safety standards nga gisunod sa training, team-building uga mga off-campus activities sa tanang lebel sa edukasyon ug pagpatuman og mga lakang aron protesktahan ang mga student-athletes sa nasud.
