-- ADVERTISEMENT --
BUTUAN CITY- Padayon ang impresibong kampanya ni Pinay Tennis Star Alex Eala sa Berlin Tennis Open human gipildi ang Croatian Tennis Player nga si Donna Vekic sa iskor nga 7-5, 6-4 sa Steffi Graf Center Court niadtong Miyerkules aron makasulod sa round of 16.
Ang world No. 35 nga Pinay nagpakita og lig-on nga duwa ilabi na sa katapusang bahin sa duha ka set, bisan pa nga si Vekic misulod sa torneyo nga puno sa kumpiyansa human sa iyang kadaugan sa Queen’s Club Championship. Human sa mubo nga paghunong sa duwa tungod sa emerhensiya sa usa ka tigtan-aw, mipadayon si Eala sa iyang maayong ritmo ug giselyohan ang kadaugan pinaagi sa usa ka ace.
Sunod niyang atubangon ang ikaduhang seed nga si Elena Rybakina sa sunod nga hugna sa torneyo.
