BUTUAN CITY- Nagpdayag og suporta si Pope Leo XIV sa temporaryong kasabotan tali sa Estados Unidos ug Iran nga tumong taposon ang kagubot sa Middle East.
Sa pakighinabi sa Castel Gandolfo, Italy, sigon sa Santo Papa nga mapasalamaton kini sa Diyos tungod naka-angkon og kasabotan ang duha ka nasud ug pormal kining palig-onon sa Biyernes.
Sumala ni Pope Leo, mas maayo nga sulbaron ang mga panagbangi pinaagi sa dayalogo ug negosasyon kaysa mobalik sa gubat.
Minglaom usab ang Santo Papa nga mahimong dalana ng kasabotan aron hingpit nang matapos ang tensyon sa rehiyon ug makabaton ug dayon nga kalinaw.
Kahinumdumang nahimong kritikal si Pope Leo sa ming-aging tensyon tali sa Estados Unidos ug Iran, hinungdan nga nakadawat kini og batikos gikan kang U.S. President Donald Trump.
Bisan paman nagpabiling panawagan sa Santo Papa ang malinawong panaghisgot ug panaghi-usa aron malikayan ang dugang kapintasan ug pagkawala sa daghang kinabuhi.
