BUTUAN CITY – Nag-deactivate sa iyang Instagram account ang Fil-Am nga pageant titleholder nga si Brandon Espiritu human siya gisaway sa social media tungod sa iyang pamahayag bahin sa mga “halfies” o mga mixed-race nga Filipino contestants.
Nagsugod ang isyu human siya gitubag ang usa ka netizen nga nangutana ngano wala siya mokanta og Tagalog nga kanta sa usa ka video nga gitubag niya og “This country wouldn’t have a chance on the national stage without us halfies.”
Daghang fans ug netizens ang nasuko kay murag iyang gipaka-ubos ang mga full-blooded Filipino contestants ug nagpakita nga mas labaw ang mga mixed-race candidates.
Tungod sa kontrobersiya, paspas nga mikunhod ang iyang Instagram followers gikan sa kapin 214,000 ngadto sa mga 198,000 sa wala pa niya gi-deactivate ang account.
Apil usab sa nadala sa isyu ang susamang Fil-Am nga si Jether Palomo human siya nagkomento nga nanumpa siya sa iyang allegiance sa bandila sa U.S., nga nakadugang pa sa kasuko sa mga Filipino.
Daghang pageant personalities sama nila Wynwyn Marquez, CJ Opiaza, Gazini Ganados, ug Stacey Gabriel misaway sa pamatasan ni sa duruha.
