BUTUAN CITY – Daghang tawo ang nagtapok sa sentro sa London alang sa Trooping the Colour, ang opisyal nga selebrasyon sa adlawng natawhan ni King Charles III kansa usa sa pinakadako nga parada sa militar ug monarkiya sa United Kingdom, nga nagtapos sa Red Arrows flypast nga gilantaw sa mga royals gikan sa balkonahe sa Buckingham Palace.
Kauban sa Hari ug ni Queen Camilla ang Prince ug Princess of Wales uban sa ilang mga anak nga sila Prince Louis, 8-anyos, kinsa nakit-an nga nakig-istorya sa iyang ginikanan samtang naglupad ang mga eroplano.
Ang balcony moment nagpakita sa padayon nga linya sa monarkiya, uban si King Charles nga nagbarog kauban ang duha ka umalabot nga hari nga sila Prince William ug Prince George.
Ang parada naglakip sa kapin sa 1,400 ka mga miyembro sa armed forces, 200 ka kabayo, ug 400 ka musikero. Ang ngalan nga “Trooping the Colour” naggikan sa mga bandila (“Colours”) nga nagrepresentar sa lain-laing regiment sa British Army.
