BUTUAN CITY- Mipahigayon ang mga Iranian sa Revolution Square sa Tehran samtang nagbitbit og mga bandila ubos sa billboard nga nag-ingong “The Strait of Hormuz remains closed,” human sa kasabutan sa Estados Unidos ug Iran sa duha ka semana nga ceasefire niadtong Abril 8, 2026.
Apan sumala sa Iranian military command nga ilang targeton ang bisan unsang barko nga mosulod sa Strait of Hormuz, human nila giigo ang duha ka barko nga misulay og agi sa maong agianan. Gisundan kini sa bag-ong wave sa US attacks nga gipangulohan ni US Presidente Donald Trump kansa nagpasalig nga “hit them hard” tungod sa akusasyon nga ang Iran nagdula sa negosasyon.
Sumala sa Tasnim News Agency, gibutyag sa Khatam al-Anbiya command nga “kompletong sirado” na ang Strait of Hormuz ug bisan kinsa nga mosulay og agi giisip nga kauban sa kaaway. Gitaho usab sa Iranian media ang mga pag-atake sa habagatan sa nasud duol sa Strait of Hormuz, ang parehas nga lugar nga gi-bombahan sa US forces sa miaging adlaw.
