BUTUAN CITY – Naangkon ni Alexandra “Alex” Eala ang kampyonato sa WTA 125 Birmingham Open human niya gipildi si Nikola Bartunkova, 5-7, 6-3, 7-5, sa usa dikit nga dula sa finals karun lang gabii, Dominggo.
Human mapildi sa dikit kaayong unang set, mibawi si Eala pinaagi sa mas lig-on nga dula sa ikaduhang set.
Milabaw ang Filipina og 5-2 sa wala pa nakuha ni Bartunkova ang iyang serve aron patas-an ang set, apan daling gitapos ni Eala ang dula aron mapugos ang usa ka decider kon ikatulong set.
Sayo nga nakakuha og 2-1 nga bentahe si Bartunkova sa ikatulong set, apan mitubag si Eala pinaagi sa pagdaog sa tulo ka sunod-sunod nga games aron makuha ang labaw, 4-2.
Misukol pagbalik ang Czech nga magdudula ug natabla pa gyud niya ang set sa 5-5.
Dinhe na gikuha ni Eala ang iyang serve aron mupatong sa 6-5 nga labaw, sa wala pa niya gi-break ang serve ni Bartunkova sa kataposang game aron hingpit nga makuha ang kampyonato.
Kini nga kampyonato mao ang ikaduhang WTA 125 crown ni Eala, sunod sa iyang kalampusan sa Guadalajara 125 tournament niadtong Septiyembre sa miaging tuig.
Sa nahimong pamahayag ni Eala sa dihang gikuhaan og reaksiyon sa mga dagkong pangalan sa tennis, gibutyag niining dakong dungog kaniya nga ikumpara sa mga niini apan ang iyang pagsakmit sa tropeo wala nagpasabot nga lakip na siya sa mga tennis greats rasong maningkamot pa siya.
Nagpasalamat usab siya sa iyang coach og pamilya nga anaa sa Pilipinas.
