BUTUAN CITY – Nangayu og pasaylo si Senator Erwin Tulfo sa mga kaubanang senador nga miyembro sa grupo ni Senator Alan Peter Cayetano human ang iyang nahimong pamahayag nga ipaaresto ug guyuton niya si Cayetano kung subling mohimo og matud pa dili otorisadong pagdungog.
Sa usa ka pamahayag, gi-angkon ni Tulfo nga dili haom para sa usa ka opisyal sa gobyerno ilabina sa usa ka senador, ang iyang nahimong isog nga pulong.
Sumala pa niini, nadala lang siya sa tinguhang mapadayon ang trabaho sa Senado nga walay pagkalangay.
Dungan sa pagpangayu og pasaylo sa iyang mga kaubanang senador, nangayu usab og pasaylo si Tulfo sa katawhang Pilipino tungod sa mga panghitabo sa Senado nga nahulog matud pa sa pagka-uktaba sa pagpalabang sa mahinungdanong balaod.
Sigon ni Tulfo tungod sa sunod-sunod nga panagbangga sa duha ka panig, natapos ang mga sesyon nag walay nahitabong mahinungdanong legislative action.
Daw naparalisa ang mandato sa Senado tungod sa walay katapusang away sa pulitika.
Tungod niini, nanawagan ang senador sa iyang mga kaubanan nga tuldukan na ang tensiyonug subling magtinabangay aron mapadayon ang paghimo og balaod ug pagbuhat sa mga imbestigasyon alang sa kaayuhan sa publiko.
Gitumbok ni Tulfo nga ang paghiusa wala nagpasayon nga pagsurender sa mga baruganan kundi panag-uban aron maprotektahan ang interest sa nasud ug sa katawhang Pilipino.
