BUTUAN CITY – Naglusad og lapad nga pagpangatake ang Ukraine sa Russia ug base sa pagkumpirma sa Russian Army, kapin sa 140 ka mga drones ang gibuhian sa Ukraine aron atakihon ang St. Petersburg.
Gihimo kini sa Ukraine samtang natigayon ang katapusang adlaw sa tinuig nga economic forum sa Russia.
Sa unang higayon, sukad nagsugod ang giyera kapin upat ka tuig na ang milabay, gitambagan sa mga otoridad ang mga residente nga magpabilin lang sa ilang panimalay. Ang pag-atake sa Ukraine miresulta sa lapad nga sunog sa usa ka military facility sa Russia.
Gibutyag ni Ukraine President Volodymyr Zelensky nga target lang nila ang mga arsenals ug naval base sa Russia isip balo sa gihimo matud pa nga pag-atake sa Russia. Gipasigarbo pa ni Zelensky nga ilang na-igo ang oil depot sa Russia sa Krasnodar region.
