BUTUAN CITY – Nagduso og mahinungdanong mga dokumento ngadto sa International Criminal Court kon ICC Trial Chamber III ang defense team ni kanhi Presidente Rodrigo Roa Duterte aron ipakita unsaon pagdumala sa proseso sa pagtaral.
Ang ilang argumento nagbutyag nga ang prosekusyon naggamit ug daghang ebidensya ug testigo nga mahimong makalubong sa tinuod nga punto.
Madumdumang ang prosekusyon nakapresentar na ug 5,177 ka mga ebidensya, adunay 13,284 pa nga gi-review, ug plano nga motawag ug hangtod sa 41 ka mga testigo kansa alang sa depensa, usa ka estratehiya nga kinahanglan pugngan sa Chamber.
Ang gipangayo sa Depensa mao ang mas hugot nga pagpili og ebidensya aron ang record dili mapuno sa walay pulos nga mga dokumento; magbaton og mas klarong plano sa testigo aron ang testimonya dili maghatag og kalibog ug molapad nga walay direksyon.
Hangyo usab nila ang mas flexible nga cross examination aron mas epektibo ang pagtubag sa mga testigo ingon man ang pagbaton og limitasyon sa Rule 68 nga dokumento aron malikayan ang pagsulod sa dagkong stand-alone nga papeles nga makalibog sa kaso.
Kung modaug ang depensa sa ilang posisyon, mapugos ang prosekusyon nga mahimong mas precise ug pinili sa ilang ebidensya ug testigo.
