BUTUAN CITY- Usa matud pa ka klarong pamatuod nga legal ug valid ang nahitabong session sa Senado niadtong June 3, kini ang ma-isugong pamahayag sa Integrated Bar of the Philippines (IBP).
Sigon sa IBP, nga legal ug adunay bisa ang gihimong sesyon sa Senado niadtong Hunyo 3, tungod nakabase ang ilang posisyon sa desisyon sa Korte Suprema sa kasong Avelino v. Cuenco niadtong 1949.
Sumala sa IBP, ang tanan nga aksyon, resolusyon, ug desisyong gihimo sa sesyon—lakip ang pagkapili kang Sen. Sherwin Gatchalian isip acting Senate President ug ang pagkapili sa mga bag-ong lider sa komite, gi-ilang adunay bisa.
Ang maong pamahayag, base kang De La Salle University College of Law professor, Atty. Jojo Lacanilao, kansa mipakita nga kadaghanan matud pa sa mga abogado sa tibuok nasud ang mingsuporta sa natigayong panghitabo sa Senado sa maong adlaw.
Usa usab kini ka lig-on nga suporta ug ‘statement’ nga nag-ingong anaa sa kampo ni Gatchalian bloc ang balaod ug local jurisprudence, sama sa gihisgutan sa IBP sa ilang pamahayag. Taliwa paman niini, magpabilin matud pang acting ang pagka Senate leader ni Sen. Gatchalian hangtud nga dili pa mo-abot sa 13 ang ihap sa mga senador nga mopabor sa ilaha.
Pagklaro pa ni Lacanilao, nga bisan paman nga adunay ubang mga abogado ang posibleng mosupak sa maong lakang ni Gathalian bloc, gisunod lang matud pa sa maong grupo ang husto, legal, ug ‘logical’ nga lakang aron makatrabaho na ang maong council human sa makadaghang higayon nga wala mitambong ang Cayetano bloc sa plenaryo.
