BUTUAN CITY – Gibulgar ni Dianne Loyola, ka-ipon sa usa sa mga missing sabungeros nga si Ferdinand Dizon nga pipila sa pamilya sa mga biktima, gipaligo matud pa sa farm ni Charlie ‘Atong’ Ang.
Gisaysay kini ni Loyola tungod kay mag-anam matud pa kagamay ang ihap sa mga nangreklamo higayong duna’y hearing ug gipadayag niini nga didto sa farm ni Atong Ang, ihatag usab ang kwarta aron dili na mutambong sa pagdungog sa mga kasong ilang gipasaka batuj kang Ang.
Nasayrang ning adlawa, pormal nang naduso sa Department of Justice sa nahabiling lima ka mga pamilya ang reklamong obstruction of justice batuk kang Atty. Caroline Cruz, ug uban pa tungod kay sila matud pa ang nanuhol sa kabanay sa mga missing sabungeros.
Sa ilang pagduso og reklamo, ilang gipakita ang kwartang ilang nadawat gikan kang Atty. Cruz nga moa karo’y ilang gigamit nga ebidensya.
Gila-umang human sa pagpasaka og pormal nga reklamo, isunod na sa mga prosecutors sa Department of Justice ang pagkonsidera sa paglunsad na og preliminary investigation sa maong kaso.
