BUTUAN CITY – Gisugdan na sa Tandag City El Niño Task Force ug sa Information, Education, and Communication Team sa lokal nga kagamhanan ang ilang School Hopping Awareness Campaign sa nagkadaiyang mga tunghaan sa siyudad.
Gilusad kini sa Hitaob Elementary School sa Barangay Awasian dungan sa kick off sa Brigada Eskwela Division.
Nakatutuk ang nasangpit nga aktibidad sa pagtudlo sa mga pamaagi isip pagpangandam sa hulga sa El Niño.
Tinguha sa maong awareness campaign nga giyahan og ma-andam ang mga magtutudlo, ginikanan ug mga magtuutngha sa mga pamaagi aron mabatukan ang epekto sa init nga panahon.
Human kini opisyal nga nalusad, magpadayon ang nasangpit nga awareness campaign sa musunod nga semana diin target niini ang tanang mga tunghaan sa tibook siyudad dungan sa pormal nga pag-abli sa klase.
