BUTUAN CITY – Hugot nga gisupak ni Senate President Alan President Alan Peter Cayetano ang gipagawas nga pamahayag sa mga pro-administration officials nga gubot kaayo ang Senado sukad sa iyang paglingkod hulip kang Senador Vicente ‘Tito’ Sotto III.
Sa iyang video statement, gipadayag sa Senate President nga wala’y laing nangita og gubot kondili ang minority nga duna’y solid 11 members apil na ang ilang mga supporters sa nasudnong kagamhanan sama sa National Bureau of Investigation kon NBI.
Kini tungod kay dili matud pa sila kampante nga independente ang mayoriya karon sa taas balay bala-uranan sa Kongreso.
Gipasigarbo pa ni Cayetano nga sukad niadtong tuig 2022, karon pa nahitabo nga ang milingkod nga Senate President uban mga nagkupot sa committee chairmanship, wala’y compass gikan sa palasyo rason nga kini ang unang higayon nga fully independent majority sila karon.
Samtang wala usa’y lipod-lipod nga gibulgar sa senador ang pagpanghadlok ug pagpamig-ot matud pa sa administrasyong Marcos ngadto kanila aron lang mapugos sila pagbalhin sa minority bloc ug makamugna og bag-ong liderato sa Senado.
Ipagawas matud pa nila ang mga ebidensya kalabot sa gihimo sa administrasyon ngadto kanila aron lang mapugngan ang kammugnaan sa independent Senate.
Apil matud pa sa gibahad kanila ang pagpasaka og kaso niadtong dili mubalhin samtang wala’y kasong atubangon ang mga mamalhin.
