BUTUAN CITY – Nahulog sa apartment building sa lungsod sa Galati, Romania ang usa ka drone gikan sa Russia hinungdan sa sunog ug pagka-angol sa duha ka tawo.
Sumala sa Romanian defence ministry, nahitabo kini samtang naglusad og mga atake ang Russia sa Ukraine duol sa ilang utlanan.
Sigon sa General Inspectorate for Emergency Situations sa Romania mibuto ang tibuok eksplosibong karga sa drone, nga mimugna og sunog sa ika-10 nga andana sa balay kondiin kapin sa 70 ka tawo ang gipapahawa samtang gipalong ang kalayo.
Kini mao ang unang higayon nga adunay nasamdan nga Romanian tungod sa mga drone nga nakalabang sa utlanan sa nasud nga miyembro sa NATO.
Sigon sa foreign ministry sa Romania, usa kini ka seryoso ug iresponsableng pagsamok-samok dayong pangayo og mas paspas mga anti-drone nga kagamitan gikan sa NATO.
