BUTUAN CITY- Misaka ang paggasto sa gobyerno niadtong Abril og 11.14 porsyento ngadto sa P505.4 bilyon, nga nakahatag og budget surplus nga P31.4 bilyon ug nakapamenos sa fiscal deficit sa unang upat ka bulan ngadto sa P324.1 bilyon.
Naghatag kini og mas lapad nga espasyo sa Bangko Sentral ng Pilipinas (BSP) aron mopataas pa sa interest rate batok sa inflation nga gipasiugda sa gubat, sumala sa Nomura Global Markets Research. Sigon sa Nomura nga aduna na’y “light at the end of the tunnel” human sa kusog nga fiscal tightening nga miresulta gikan sa dagkong corruption scandal.
Sumala ni BSP Governor Eli Remolona Jr. nga ang rebound sa paggasto makatabang sa pag-offset sa epekto sa mas hugot nga monetary policy, samtang misaka ang inflation sa 7.2 porsyento niadtong Abril, ang labing paspas sa tulo ka tuig, tungod sa pagsaka sa presyo sa enerhiya nga adunay kalabotan sa tensyon sa Middle East.
