BUTUAN CITY – Hugot nga gikondena sa Presidential Task Force on Media Security kon PTFOMS ang pagpusil-patay sa usa ka anchorman sa usa ka local radio station sa Pikit, Cotabato nga si Nestor “Teting” Micator sa Barangay Fort Pikit, lungsod sa Malidegao, sa Special Geographic Area kon SGA sa Bangsamoro Autonomous Region in Muslim Mindanao kon BARMM ning mi-aging gabii.
Base sa imbestigasyon sa kapulisan, pasakay na unta sa motorsiklo ang biktima gawas sa barangay hall dihang gipusil kini sa wala pa ma-ilang gunman kinsa daling misibat human sa insidente.
Sigon ni PTFOMS Executive Director Jose Torres Jr, kinahanglang matumbok gilayon ang responsable sa kremin aron mapatubag sa iyang nahimong salaud.
Dugang pa niini, ang bisan unsa mang paglawgaw sa mga media men makonsiderang hulga dili lang sa press freedom kondili apil na sa katungod sa publiko alang sa hapsay nga pagpagawas sa impormasyon.
