BUTUAN CITY – Nanawagan ang pipila ka miyembro sa Kamara sa administrasyong Marcos ug mga ahensya sa gobyerno nga gelayong ipatuman ang pag-aresto kang Sen. Ronald “Bato” dela Rosa human gibasura sa Korte Suprema ang hangyu sa iyang kampo para sa temporary restraining order (TRO) ug status quo ante order batuk sa pagpatuman sa warrant ng International Criminal Court (ICC).
Malipayong gidawat sa Makabayan bloc nga gilangkuban nila ACT Teachers Rep. Antonio Tinio, Gabriela Rep. Sarah Elago, ug Kabataan Rep. Renee Co ang nahimong desisyon sa korte ug nanawagan sa mga ahensyang sama sa Department of Justice (DOJ), Department of the Interior and Local Government (DILG), Philippine National Police (PNP), National Bureau of Investigation (NBI), ug uban pa nga seguruhong mapatuman ang warrant nga walay pagkalangay.
Pamugos sa mga magbabalaod, dili dapat magamit ang mga legal nga lakang ug teknikalidad aron mauktaba ang paghatod sa hustisya.
Samtang sigon usab ni Akbayan Rep. Perci Cendaña nga dapat magsilbing “go signal” ang desisyon sa Korte Suprema para sa usa ka hugot nga operasyon batuk kang Dela Rosa, nga kasamtangang nagtago-tago.
Gitumbok usab ni Bicol Saro Rep. Terry Ridon nga panahon na para magtinabangay ang mga law enforcement agencies aron ipatuman ang balaod mahitungod sa international warrant batuk sa senador.
