BUTUAN CITY – Tugutan sa United States Department of States ang football team sa Democratic Republic of the Congo nga makasulod sa nasod aron maka-apil sa FIFA World Cup 2026 bisan pa sa entry ban tungod sa Ebola outbreak.
Ang US adunay balaod nga nagdili sa pagpasulod sa mga dili Amerikano nga gikan sa maong nasud apil na sa Uganda, ug South Sudan sulod sa miaging 21 ka adlaw tungod sa makamatay nga Ebola outbreak.
Apan sigon sa USDSl, ang team sa DRC nag-training sa Urupa busa posible nga dili sila ma-apil sa maong ban.
Kung gikan man gani sila sa DRC sulod sa miaging 21 ka adlaw, kinahanglan silang moagi sa hugot nga testing ug isolation protocol sama sa gibuhat sa mga Amerikanong mobalik sa US.
Nasayrang ang exemption para lamang sa football team ug dili apil ang ordinaryong fans nga gustong moadto aron mosuporta sa ilang team.
Magsugod ang kampanya sa DRC sa World Cup pinaagi sa ilang duwa kontra sa Portugal sa Texas sa Hunyo 17.
