BUTUAN CITY – Nagkabangga ang multicab og tourist van nga pulos dunay sakay nga mga atleta para sa Palarong Pambansa 2026 kagahapon sa hapon sa may Poblacion, Prosperidad, Agusan del sur.
Nasayran nga ang multicab nga gi-hire sa delegado gikan sa MIMAROPA aron maoy maghatud sa mga athleta, pabalik na unta sa billiting quarters sa Prosperidad National Highschool gikan sa playing venues sa dihang nakatulog matud pa ang drayber niini og mibangga sa tourist van nga naghatud usab og mga atleta sa National Capital region gikan sa Bancasi Airport sa Butuan City.
Saysay pa sa drayber sa van nga si Warlito Marangga nga nakita na niya ang multicab nga anaa sa slow lane og mibalhin sa fastlane apan wala niya nabalik pagkabig ang manubela rasong mibangga kini.
Aron malikayan ang head-on-collision, milikay ang van apan naigo gihapon ang kilid nga atubangan niini rasong naipit ang drayber.
Hinoon luwas na ang drayber sa multicab samtang nakahiagum usab og minor injuries ang mga coaches og atleta nga daling gidala sa Democrito O. Plaza Memorial Hospital samtang walay na-angol sa sakay sa van.
Lakip sa mga first responders si Agusan del Sur Vice Governor Patricia Anne Plaza nga naka-agi sa lugar og mao nay mitawag sa emergency rescue.
