Iran nagpadala na og tubag alang sa bag-ong proposal sa Estados Unidos; Death toll sa Lebanon ming-abot na sa 3000

BUTUAN CITY- Gi-anunsyo sa Iran nga nakapadala na kini og tubag sa pinakabag-ong proposal sa United States alang sa posibleng pagtapos sa gubat pinaagi sa mediator sa Pakistan.

Samtang nagpadayon ang tensyon sa rehiyon, mingsaka na sa kapin 3,000 ang gidaghanon sa mga namatay sa Israeli attacks sa Lebanon sukad nagsugod ang gubat, sumala sa mga health officials. Padayon usab ang opensiba sa Israel sa Lebanon diin gisugdan na sa Israeli navy ang pagharang ug pagkumpiska sa mga sakayan gikan sa usa ka aid flotilla nga nagtinguha sa pagbungkag sa blockade sa Gaza Strip.

Sa laing bahin, gipahibalo usab sa Iraq nga naglunsad kini og imbestigasyon sa drone attack nga giingong gilunsad gikan sa Iraqi territory batok sa Saudi Arabia.