BUTUAN CITY – Nag-positibo sa gunpowder residue ang usa ka volunteer sa National Bureau of Investigation (NBI) nga inaresto may kalabutan sa nahitabong pagpamusil sa sulod sa Senado.
Sigon ni Southern Police District Public Information Office chief Police Lt. Margaret Panaga, base sa gihimong pagsusi, positibo sa presensiya sa gunpowder” ang suspek nga giila sa alyas nga “Mel Oragon.”
Giaresto ang suspek human ang insidente ug gipa-ilalom sa inquest proceedings tungod sa mga kasong paglapas sa Republic Act 10591 o Comprehensive Firearms and Ammunition Regulation Act, alarm and scandal, direct assault, trespass to property, ug pagsupak sa security protocols sa Senado.
Mahinumdumang nahitabo ang insidente niadtong Miyerkules sa gabi-i sulod sa ikaduhang andana sa Senado samtang nagtunhay ang lockdown, nga naghatag og kahadlok og kagubot.
Base sa unang imbestigasyon, usa ka wala pa matumbok nga klase sa armas ang gigamit matud pa sa suspek sa pagpabuto og pipila ka higayon sulod sa Senate compound sa GSIS area bandang ala-7:50 sa gabi-i.
Tungod niini naputos sa tensyon ang sulod sa dakbalay samtang nahitabo ang insidente.
Samtang gipamugos usab sa abogado ug asawa sa suspek nga siya usa ka driver lang sa usa sa mga NBI operatives ug dili regular nga empleyado sa ahensya.
