BUTUAN CITY – Gelayong nadakpan ang suspetsado nga mipusil-patay sa usa ka negosyante kagahapon sa buntag sa may Public Market, Taglatawan, Bayugan City.
Kini human nakuha sa CCTV footage ang suspek nga didto niagi sa ukay-ukayan diin makita pa ang suspek nga nagbitbit sa armas human madungog ang buto niini.
Ang suspek nailhan lang nga si Adron samtang ang biktima moa si Punta Omar Orabe, hingkod ang panuigon.
Human nasusi ang CCTV, nasutang daghan ang nakaila sa suspek rasong gelayong giadto ang giuy-an niini sa P-10 Brgy. Taglatawan, Bayugan City.
Apan nagpakita og pagsukol ang suspek rasong nahimong kulba-hinam ang pagpasurender niini.
Kauban pa sa kapulisan ang daghang tawo sa pag-adtu sa panimalay sa suspek.
Anaa na karun sa kustudiya sa Bayugan City Police Station ang suspek samtang padayon usab ang gihimong imbestigasyon sa otoridad aron masuta ang motibo sa pagpamusil.
