BUTUAN CITY- Gikomperma ni Senate President Alan Peter Cayetano nga wala na sa Senate Building si Senator Ronald Bato Dela Rosa human ang natigayong pinusilay sulod sa building niadtong Miyerkules sa gabie ug kalabot sa gi-atubang nga arrest warrant sa Sendor gikan sa International Criminal Court tungod sa pagkalambigit sa war on drugs niadtong Administrasyong Duterte.
Sumala ni Cayetano, nagpadala og text message ang asawa ni Dela Rosa sa iyaha kung asa gibutyag niining daw gigamit matud pa sa Senador ang higayon sa natigayong kagubot sulod sa Senado aron nga kini makasibat sa maong building. Dugang pa Senate President, nga kaugalingong desisyon ug kasugtohan matud pa sa Senador ang paglakaw niini, human sa natigayong incidente tungod nadamay na ang mga kaubanang Senador sa mga pagsulay pagsikop batok niini. Mensahe usab ni Dela Rosa sa mga kaubanan sa Senate Majority Block nag dili usikan ang iyang sakripisyo ug magpabiling lig-on ug kompleto ang ilang grupo.
Subay niini, gi-insistar ni Cayetano nga walay sayop ang paghawa ni Dela Rosa sa Senado. Pagklaro pa niini, wala matud pay arrest warrant nga gipakita ang National Bureau of Investigation aron ma-ingong sad-an ang Senador ug gi-insistar pag-usab subling ang ilhon lang sa ilang kampo mao ang arrest warrant nga gikan sa Local Court o korte sa Pilipinas. Samtang, nahimong emotional usab ang Senate President human gikwestyon kung tinuod ba nga gisulayan pagsulong ang Senado sa nahimong pinusilay niadtong mi-aging gabie. Gani, daw pasinggit kining gitubag sa Senador ug hugot nga gi-inisistar nga walay angay pagdudahan nga gi-atake ang Senado sa natigayong inisdente.
Samtang gipa-ambit usab niini ang pipila ka detalye ug impormasyon gikan sa daw incident report sa Senate Office of the Sergeant-at-Arms, sigon ni Cayetano base sa Report nasigpatan matud pa sa mga miyembro sa OSAA ang duha ka lalaking nagsul-ob og bulletproof vest nga adunay tatak nga NBI.
Gisulayan matud pa pagkomperma sa OSAA personnel ang identidad sa duha ka lalaki apan nakita matud pa nila nga mingtutok og pusil hinungdan nga ngapabuto og warning shots ang Senate Security Forces ug ming-balos usab og pabuto ang mga wala mailhing indibidwal ug dinhi na matud pa nagsugod ang pinusilay. Dugang pa ni Cayetano, nga adunay 32 ka basiyo sa bala ang nabiripika, diin asa 27 sakampo sa Senate Security Forces ug 5 usab sa kampo sa wala pamatumbok nga mga indibidwal.
