BUTUAN CITY- Gipasalig ni Senate President Alan Peter Cayetano nga dili malangay ang aksyon sa Senado “Forthwith” sa nag-ong-ong nga Impeachment Trial batok kang Vice President Sara Duterte oras nga madawat sa Upper House o Senate ang Articles of Impeachment. Kini taliwa sa natigayong election sa liderato sa Senado ug mga hungihong nga usa sa mga hinungdan sa pag-ilis sa Senate President adunay kalabotan sa Impeachment Trial sa Bise.
Giklaro usab ni Cayetano, nga wala pa kini kabalo kung kanusa o unsay oras madawat sa Senado ang Articles of Impeachment, apan gisiguro niini nga molihok gilayon sla base sa gitakda sa Constitution. Dugang pa niini, nga hisgutan usab gilayon ang Articles of Impeachment ug posibleng mo-agi usa kini sa Committee on Rule base na usab sa confrontation niini kang kanhi Senate President Vicente “Tito” Sotto III. Subay niini, sigon ni Cayetano nga gusto niining adunay majority Caucus aron madesisyonan sa Senado ang direksyon niini sa Impeachment ug ubang mga hisgutanan sa Senado.
Kalabot niini, gihatagan usab og ginbug-aton ni Cayetano nga dili lang impeachment ang pokosan sa Senado tungod daghan matud pa mag economic issues nga kinahanglan tubagon sa panggamhanan. Samtang sa pikas bahin, giklaro usab sa Senate President nga walay problema sa Senado sa pagsilbi sa Arrest Warrant batok kang Senador Ronald “Bato” Dela Rosa basta mo-agi lang matud pa kini sa husto ug ligal nga proseso ubos sa Korte sa Pilipinas.
Sigon ni Cayetano, nahimong tradisyon na matud pa sa Senado nga hatagan og due Process ang mga Senador nga mangayo og protection sulod sa Senate. Dugang pa niini, nga ingon man si Dela Rosa nagdpadayag matud pa niini nga andam kining mo sunod sa proseso oras nga adunay lokal nga warrant ug mahuman ang legal nga lakang.
