BUTUAN CITY- Magpagawas ugmang adlawa Lunes Mayo 11, ang Philippine National Police-Criminal Investigation and Detection Group kon PNP-CIDG og subpoena batok kang Senador Ronald “Bato” dela Rosa, kalabot sa giingong extrajudicial killings sa Davao Region sa panahon nga siya mao pa ang hepe sa Davao City Police ug Regional Director.
Pagklaro ni DILG Secretary Juanito Victor “Jonvic” Remulla, nga dili kini warrant of arrest, kundili subpoena aron personal kining motambong ingon man motubag sa imbestigasyon sa kapin 100 ka reklamo sa EJK.
Sigon pa niini, nga wala kini labot sa gi-report nga arrest warrant sa International Criminal Court kon ICC, ug kini usa lang ka internal investigation sa PNP. Dugang pa ni Remulla, gibutang sa alert level ang mga airport ug seaport aron masubay ang lihok sa senador samtang nagpadayon ang imbestigasyon.
