BUTUAN CITY – Midaug ang Korean star nga si Hyun Bin sa iyang unang Best Actor nga award sa pinakabag-ong edisyon sa Baeksang Arts Awards nga nagpasidungog sa labing maayo sa Korean film, telebisyon, ug teatro.
Gihatagan og pasidungog si Hyun Bin tungod sa iyang papel sa Made in Korea, nga mao na ang iyang ikaupat nga award sa maong tinuig nga seremonya.
Duha ka higayon siyang nidaog isip Most Popular Actor alang sa A Millionaire’s First Love ug Crash Landing on You, ug nakadawat usab siya sa Daesang o Grand Prize sa kategorya sa telebisyon tungod sa Secret Garden.
Sa counterpart category ni Hyun Bin, midaog si Park Bo-young — ikatulo na niyang kadaugan gikan sa upat ka nominasyon — alang sa Our Unwritten Seoul, diin ang direktor nga si Park Shin-woo nakadaog usab isip Best Director.
Ang You and Everything Else nakadaog isip Best Drama samtang ang The Wonder Coach mipildi sa Culinary Class Wars alang sa Best Entertainment Program ug ang Our Shining Days nakadaog isip Best Educational Show.
Ang bida sa The Dream Life of Mr. Kim nga si Ryu Seung-ryong ang nakadaog sa Daesang karong tuiga, human usab siya makadaog kaniadto sa film category tungod sa Miracle in Cell No. 7.
Ang kauban niya sa salida nga si Yoo Seung-mok nakadaog isip Best Supporting Actor samtang sa female category, ang nidaog mao si Im Soo-jung sa Low Life.
