BUTUAN CITY – Giaresto sa National Bureau of Investigation (NBI) karung adlawa, Miyerkules, Mayo 6, ang usa ka online media personality nga si Franco Mabanta human misulay pagpangil-kil si kanhe House Speaker Martin Romualdez.
Sigon ni NBI Director Melvin Matibag, nadakpan si Mabanta sa gikasang entrapment operation.
Base sa taho, misulay matud pa pagpangil-kil ni Mabanta kang Romualdez og 350 milyones pesos bugti sa dili pagpagawas sa mga video nga gihawiran matud pa niya nga naglambigit sa kongresista sa flood control scandal pinaagi sa Peanut Gallery Media Network.
Nagresulta usab sa pagkaaresto ni Mabanta ang gihimong operasyon human makadawat og 300 milyones pesos nga marked money.
Nakatakdang mohimo og usa ka press conference ang NBI karung adlawa alang sa dugang detalye sa pag-aresto kang Mabanta.
