BUTUAN CITY – Ubay-ubay nga mga hangyo ang gisinggit sa mga mamumuo gikan sa nagkada-iyang grupo atol sa kasa-ulugan sa Labor Day niadtong Mayo uno dihang nagmartsa sila sa kadalanan sa kauluhang Manila sa tinguha nga mapa-abot kini ngadto sa administrasyong Marcos.
Sigon ni Wilson Fortaleza sa Partido Manggagawa, apil niini ang pag-apruba na unta sa dugay nang hangyo nga 200-pisos across the board wage increase, pagsuspende sa excise tax, pag-exempt sa lana ug kuryente diha sa suktunong value added tax kon VAT ug hulipan sa wealth tax apil na ang panawagan alang sa paghunong na sa giyera sa Middle East.
Mahitabo matud pa kini kung mu-uban ang Pilipinas sa ubang mga nasud nga nanawagan sa Amerika ug Israel nga ihunong na ang paggiyera sa Iran ug uban pang mga nasud sa tunga-tungang sidlakan.
Dili matud pa blind niini ang Malakanyang tungod kay wala pa’y giyera nasayod na niini ang administrasyon ilabina sa gihangyong usbaw sa suhulan.
