BUTUAN CITY– Gisiguro usab ni Atty. Michael Poa nga dili maggikan sa kwarta sa mga taxpayer ang gamitong pondo alang sa pag-atubang ni Vice President Sara Duterte sa impeachment case batok niini. Pagklaro pa sa abugado, dili pondo sa Office of the Vice President kon OVP o sa gobyerno ang ipangbayad sa mga abogado sa Bise Presidente sa iyang impeachment case.
Si Poa usa sa mga miyembro sa defense team ni Vice President Sara Duterte
Sigon sa abogado, nga kasayod ang Bise Presidente nga ang impeachment case wala nay kalabotan sa opisina isip Bise Presidente.
Kini usa matud pa ka personal nga kapasidad, hinungdan nga maggikan sa kaugalingong pondo ni VP Sara ang gamiton sa tanang magasto sama sa sweldo sa mga abogado, pagpangita og mga dokumento, ug uban pa.
Sa kasamtangan, padayon ang preparasyon sa mga abogado ni VP Sara sama sa pagpangandam sa mga niini niadtiong 2025 kung kanusa unang na-impeach ang ika-duhang Presidente sa Kamara.
Ang preparasyon sa mga abogado karung tuiga, susama lang matud pa sa pagpangandam sa minglabay nga tuig
