BUTUAN CITY – Muabot sa pito katawo ang namatay human nahugno ang usa ka walo ka tiil nga pader sulod sa usa ka hospital complex sa Bengaluru, India.
Lakip sa mga namatay ang usa ka bata, upat ka street vendor, ug duha ka indibidwal gikan sa Kerala, sumala ni D. K. Shivakumar.
Gitawag usab nga “unfortunate” ni Indian Prime Minister Narendra Modi ang insidente sa usa ka pamahayag sa social media.
Tulo pa katawo ang nasamdan ug kasamtangang gitambalan sa ospital.
Sigon sa mga taho, usa ka babayeng amaron ang gipailalom sa dugang pagsusi human mahatagan og pasiunang pagtambal.
Nasayran nga nakabaton og kalit nga pag-usab sa panahon sa siyudad human ang pila ka semana nga grabe ka-init ug taas nga humidity. Nasinatian ang kusog nga ulan, huyop sa hangin, ug pag-ulan sa yelo sa pipila ka parte sa Karnataka, nga posibleng nakatampo sa insidente.
Bisan og nakahatag og kaginhawaan gikan sa init ang pag-ulan, nagresulta usab kini sa mga aberya sama sa pagbaha ug pagkatumba sa mga punoan sa nagkadaiyang lugar sa siyudad.
Padayon pang giimbestigahan sa mga awtoridad ang hinungdan sa pagkahugno sa pader samtang gisusi ang katibuk-ang damyos nga hatud sa daot nga panahon.
