BUTUAN CITY – Padayon karun ang imbestigasyon sa kapulisan sa natigayong pagsunod sa 6 ka heavy equipment nga matud pa gituyo sa pagsunog sa tulo ka armadong lalaki, pasado alas 9:21 sa gabii, sa Purok 3, Barangay Danao, Surigao City.
Sigon ni PLTCOL. Atty. Mariano Lukban, Hepe sa Surigao Component City Police Station dali silang miresponde human nadawat ang taho.
Sumala pa sa opisyal nga tulo ka units sa heavy equipment ang nadamyos nga gilangkuban sa 2 ka backhoe ug usa ka elf truck, nga hingpit nga nasunog, samtang duha pa ka units nga road roller ug cement mixer ang partially damaged nga nadaot tungod sa sunog.
Pagbutyag pa sa watchman nga si Maijel Estebe Doquila, 49 anyos, ulitawo ug residente sa Purok 2, Barangay Danao, bandang alas 7:30 sa gabii, adunay tulo ka wala mailhing lalaki nga miabot sakay sa usa ka pula nga single motor.
Dugang pa niini nga dunay dalang armas ang mga suspek diin duha kanila ang nakig-istorya kaniya samtang ang usa miduol sa lugar diin gi-parking ang mga heavy equipment ug didto gipangsunog.
Human sa insidente, ang mga suspek daling misibat padulong sa barangay proper sakay gihapon sa maong motorsiklo.
