BUTUAN CITY – Nagpagawas og pasidaan ang Department of Agriculture (DA) batuk sa mikaylap nga sayop nga impormasyon mahitungod sa ilang Swine Repopulation Project (SRP).
Sumala sa DA, ang SRP usa ka tulo ka tuig nga programa nga tumong nga mabalik ug mapakusog ang populasyon sa baboy sa nasud human ang damyos nga hatud sa African Swine Fever (ASF).
Kabahin sa proyekto ang pagtukod og luwas nga breeding system gikan sa source farms hangtud sa multiplier ug production farms gamit ang mga siyentipiko ug bio secure nga gobyerno.
Pasabot sa ahensya, laumang makatabang ang SRP sa pagpalig-on sa suplay sa baboy ug sa pagpakunhod ug pagpalig-on sa presyo sa karne sa lokal nga merkado.
Dugang pa sa ahensya nga ang programa bugti sa mga nagtunhay nga inisyatiba sama sa kanhe INSPIRE program ug kasamtangang Swine Industry Recovery Project (SIRP).
Lakip usab sa SRP ang pagpalit sa mga “gilt” o dumagang baboy gikan sa mga accredited breeder farms nga ipanghatag sa mga multiplier farm para padaghanon ug mapasa sa mga benepisyaryo.
Depende sa kwalipikasyon, mamahimong makadawat ang usa ka farm sa 25 hangtud sa 2,000 ka baboy.
