BUTUAN CITY – Mitaliwan na sa laing kinabuhi ang drayber sa tricycle nga nalambigit sa disgrasya kagahapong adlawa sa National Highway, Purok 2A, Barangay Ampayon, Butuan City.
Base sa impormasyong nakuha ning sibyahan gikan sa kapulisan, namatay ang drayber nga si Lorry Nazarita Casumpang,, 62-anyos nga taga Purok 2B, Brgy. Ampayon, Butuan City.
Base sa imbestigasyon, nahitabo ang aksidente pasado alas 9:50 sa buntag diin ang biktima samtang sakay sa iyang de-pasaheroang tricycle sa dihang patabok kini sa dalan, nabanggaan sa sakyanan nga Mitsubishi Mirage nga gimanehoan ni Jess Lester Dulayba Hinayon, olitawo, 30-anyos nga residente sa Purok 1, Quezon St. Tubay, Agusan del Norte.
Tungod sa hitabo, nakahiagum og dili ti-aw nga mga injuries ang drayber sa tricycle lakip na ang duha ka pasahero niining nailang sila Dimple Joy Padenas, 18-anyos nga dalaga, magtutungha sa Caraga State University og residente sa Purok 2B, Brgy. Ampayon, Butuan City lakip na si Rowena Talisic Lumontad,45-anyos usa ka public school teacher sa Ampayon National Highschool, og residente sa Purok 2B, Brgy. Ampayon, Butuan City.
