BUTUAN CITY – Gipalagan sa kampo ni Vice President Sara Duterte ang mga pamahayag nga nagbutyag nga wala magkatukma ang iyang deklarasyon sa Statement of Assets, Liabilities, and Net Worth (SALN) sa aktuwal nga bank transactions.
May kalambigitan kini sa isyu nga gi-atubang sa bise presidente kalabot sa gika-ingong pagkadiskobre sa Anti-Money Laundering Council (AMLC) nga aduna’y kapin ₱6.77 bilyon nga bank transactions gikan 2006 hangtod 2025 nga wala mutukma sa iyang gideklara sa Statement of Assets, Liabilities, and Net Worth (SALN).
Kini nga mga transaksiyon gi-flag isip “covered” ug “suspicious” transactions, ug karon gigamit nga ebidensya sa impeachment proceedings batok kaniya sa House Justice Committee.
Sigon sa iyang defense counsel nga si Atty. Michael Poa, dayo pa kaayo aron maghatag og ingon niani nga konklusyon sa isyu, ilabina nga klaro kung asa ug sa unsang paagi nakuha ang mga dokumento.
Dugang pa ni Poa, gila-uman na nila ang ingon niini nga mga opinyon apan gibarugan nila nga dapat mu-agi kini sa saktong proseso sa balaud.
