BUTUAN CITY – Gipakita lang ang pagka-bias sa International Criminal Court kon ICC diha sa nahimong disesyon sa Appeals Chamber diin gibasura ang apela ni Kanhe Pangulong Rodrigo Duterte sa hurisdiksiyon niini sa iyang kaso.
Sigon ni Gerry Caño, Presidente sa Professional Criminologists Association of the Philippines nga wala nay kridibilidad og dignidad ang ICC tungod sa pagkuha nila og ebidensiya dinhe sa Pilipinas nga namantsahan sa korapsiyon.
Kini pinaagi na usab mga saksi nga nasakyan sa pulitika ang maong kaso rasong wala nasunog ang lagda sa tawhanong katungod sa ilang pagpangalap og ebidensiya.
Sumala pa niini ang maong pagka-bias maoy sinugdanan sa pagkahagba sa ICC tungod sa kawalay hustisya nga ilang gipakita.
Gibasehan niini ang pag-intervene lang unta sa ICC sa usa ka nasud kung dili na functional ang criminal justice system nga sukawahi sa Pilipinas nga ilang gisudlan tungod kay naglihok man dinhe ang korte og kapulisan rasong makonsidera kining pagpangbastos sa mga Filipino.
Gipakita usab niini nga ma-impluwensiyahan ang ICC sa political interest.
Ang ilang disesyon makonsidera matud pang retaliatory activities aron ipamatood lang sa ubang mga nasud nga relevant pa sila isip tighatag og hustisya human usab gi-snab lang sila sa mga gamhanang kanasuran.
Tungod niini, lauman matud pa nga dunay mahitabong full blown trial.
