BUTUAN CITY – Malampusong naaresto ang usa ka senior citizen kansa nakuhaan pa og halos 1.5 milyones pesos nga kantidad sa shabu sa gikasang buybust operation pasado alas 8:00 kagabii sa may P-6 Brgy. Villa Kananga, Butuan City.
Naila ang nadakpan nga si Henry Vanzuela Candelaria alyas Angkol/Tatay, 63-anyos, menyu nga taga P-4 Brgy. Maon, Butuan City. Ang suspetsado gikonsiderang High Value Individual.
Atol sa operasyon, nakuha gikan sa posisyon sa suspek ang 5 ka sachet nga dunay sulod sa gidudahang shabu nga mitimbang sa katibuk-ang 210 gramos og nagkantidad sa 1-milyones 428-mil pesos.
Lakip sa nakuha ang 10-mil pesos nga marked money nga gilangkuban sa usa ka libo nga tinood nga kwarta og 9 ka boodle money. Nakuha pa ang usa ka cellphone, usa ka sling bag, usa ka coin purse og National ID sa suspetsado.
Gihimo ang operasyon sa mga ginsakpan sa City Drug Enforcement Unit sa Butuan City Police Office diin gikustudiya ang suspek og ang nakuhang mga butang alang sa tukmang disposasyon.
