BUTUAN CITY – Padayon karong gipangita ang Person Deprived of Liberty (PDL) human nakasibat sa detention facility sa Bayugan City Jail sa lalawigan sa Agusan del Sur kansa sakop sa Bureau of Jail Management and Penology kon BJMP- Caraga, kagahapong adlawa.
Tungod niini, gi-alarma gilayon sa mga otoridad ang ilang counterpart sa lain-laing rehiyon.
Ang pugante giila nga si Franklin Jacob Silaya, nag-atubang og kasong carnapping ug adunay warrant of arrest nga gi-isyu sa Regional Trial Court Branch 7 Bayugan City niadtong Abril 3, 2025.
Sumala sa report, nakita nga misakay ang suspek sa usa ka motorsiklo nga walay plaka, ug gituohan nga padulong sa Cotabato region, hinungdan nga gimando dayon ang pag alerto sa mga police stations sa maong lugar.
Gi-imbestigahan usab ang kahuyang sa seguridad sa kustodiya sa BJMP nga hinungdan sa maong insidente.
