BUTUAN CITY – Naghatag og suhestiyon ang usa ka mental health expert aron matagad ang mitaas og makabalaka nga datus sa early pregnancies sa Pilipinas.
Nakatala ang Commission on Population and Development sa kapin 139-mil ka mga inahan nga nagpangedaron og wala pay 15-anyos.
Base sa pinaka-ulahing datus sa Philippine Statistics Authority kon PSA miabot sa katibuk-ang 138, 697 ang ihap sa mga inahan nga nagpangedaron sa 10-anyos ngadto sa 19-anyos samtang ang mga inahan nga 10-anyos ngadto sa 14-anyos usab natala sa mga rehiyong dunay taas nga popolasyon sama sa CALABARZON, Central Luzon, Metro Manila og SOCCSARGEN.
Sa pakighinabi sa psychologist nga si Richthofen De Jesus, dako matud pa ang parte sa mga ginikanan sa early pregancy og ang pagtubag matud pa niini usa ka two-way solution tali sa gobyerno og sa katawhan.
Samtang nagpasidaan usab ang Council for the welfare of children sa publiko tungod kay kadaghanan sa mga nakabuntis sa mga batang inahan, mga hamtong o edaran na nga lalaki.
