BUTUAN CITY – Gikumpirma sa Department of Foreign Affairs (DFA) nga napauli na sa Pilipinas ang patay’ng lawas sa 29 anyos nga Pinay nga namatay sa missile attack sa Haifa, Israel niadtong Abril 5.
Sigon sa DFA nga miabot sa Maynila ang patay’ng lawas sa Pinay nga si Lucille Jean Gershovich nga gidaway sa iyang pamilya.
Sumala sa DFA, tungod sa commitment ni Foreign Affairs Secretary Ma. Theresa Lazaro sa kabanay ni Gershovich, nagpaabot ang DFA pinaagi sa Embahada sa Pilipinas sa Tel-Aviv, Office of the Undersecretary for Migrant Affairs ug Consular Office sa Clarin, sa tanang gikinahanglang tabang sa pamilya lakip na ang pag-facilitate sa pag-uli sa patay’ng lawas sa Pinay gikan sa Israel pauli sa iyang probinsiya sa Lanao del Norte.
Si Gershovich, ang lakip sa mga namatay sa missile strike nga miigo sa residential area sa Haifa niadtong Abril 5, nga mikutlo usab sa iyang banang Israeli ug mga tigulang na nga ugangan atol sa giyera sa Iran ug Israel-US.
